नेपाल शिक्षक महासंघ र देशभरका सामुदायिक विद्यालयका शिक्षकहरूले परम्परागत चक र डस्टरको भरमा २१औं शताब्दीको शिक्षा दिन नसकिने भन्दै प्रत्येक विद्यालयमा उच्च गतिको इन्टरनेट र स्मार्ट बोर्ड अनिवार्य गर्न माग गरेका छन्।
गाउँगाउँका विद्यालयहरूमा दरबन्दी अभाव, अपर्याप्त पाठ्यपुस्तक र कमजोर पूर्वाधार हुँदाहुँदै पनि शिक्षकहरूले मिहिनेतका साथ विद्यार्थीलाई पढाउँदै आएको तर शिक्षकमाथि मात्र दोष थुपार्ने प्रवृत्ति गलत भएको शिक्षक प्रतिनिधिहरूको भनाइ छ।
'सरकारले कुल बजेटको कम्तीमा २० प्रतिशत शिक्षामा लगानी गर्नुपर्छ र शिक्षकलाई सम्मानित पेसाको रूपमा स्थापित गर्नुपर्छ,' महासंघका अगुवाले बताए।
